ลำล่องส่งสการหลวงพ่อคูณ ปริสุทโธ
ขับร้องกลอนลำ : เบลล์ นิภาดา
ประพันธ์กลอนลำ : ดร. สุวิทย์ วิชัด
บรรเลงแคน,ซอ : ภูมิ ศักดิ์
วิดีโอ : สุทธิพงษ์ อุพลเถียร
ภาพประกอบ : Surin laophila (Fb: รอยยิ้ม ไม่เคยเป็นทาสของใคร)
โอ๋ย .......ขอขมาวันทาไหว้
ถวยอาลัยในหลวงพ่อ
องค์พระเทพ วิทยาคม หรือ หลวงพ่อคูณ ปริสุทโธ
ผู้ดั้นพ้อ นิพพานข้าม แม่นสงสาร ผู้พานได้
อรหันต์ อัศจรรย์....
โอ๋ยนา โอ๋ย นั่นละนา
เออ จั่งแม่นบุญผลาสร้าง เป็นหนทางได้นําไต่
หลวงพ่อคูณ. ปริสุทโธ ผู้เปี่ยมได่..พระธรรมตั้ง
ก่อศรัทธา ถือเมตตาในจิตกล้า จาคะบ่หวังผล
คนนับล้านๆคน ศรัทธาหนอ ยอไว้
อุทิศกายส่งให้เกิดปัญญาศึกษาต่อ
เป็นครูหมอ ได้ต่อชีพ ปัวปิ้นมนุษย์คน
บ่หวังผลผลาสร้างเป็นหว่างบุญการศึกษา
อนิจจัง วัฏสังขารา มรณาคือธรรมแจ้ง
แสงตะเง็นได้ส่องแย้ง แสงปัญญาได้ใสส่อง
มองเห็นกองเภทฮ้าย สละแล้วนั้นเป็นทาน
เบยทวารเบิกฟ้า นิพพาแดนสวรรค์
เถิงวาระสําคัญ หลวงพ่อคูณ สิล่วงฟ้า
สาธุชนถ้วนหน้า หลายกือมาล้นลื่น
หลั่งมาหมื่นแสนล้าน ขมาน้อมแม่นวันทา
หวังผลาหลวงพ่อได้ เคาะกระหม่อมให้มีผล
ให้เหล่าสาธุชน อยู่ดีบ่มีฮ้อน
ขอบวรพรมทั่วหล้า เสด็จมาจนฟ้าหย่อน.
สิบหกซั้นอัมพร ให้มาซอนผู้เหลี่ยมล้ํา.
พระสงฆ์เจ้า อริยา เทวาน้อม .
แม่นทางบุญ หลวงพ่อคูณ ปริสุทโธ. เอ้ยนา โอ๋ยนา
